Нүүр хуудас

 

 

Тулгар төрийн 2224, Их Монгол Улсын 809 жил, Ардын хувьсгалын 94 жилийн ойн баярын босгон дээр Монгол Улсын Ерөнхийлөгч, Зэвсэгт хүчний Ерөнхий командлагчийн зарлигаар ЗХЖШ-ын ЕЗЦК-ын штабын дарга, хурандаа Д.Амгаланбаатар, ЗХЖШ-ын АУГ-ын дарга, хурандаа Д.Ганзориг, ХХЕГ-ын орлогч дарга, хурандаа Ч.Сайнтөр нар БРИГАДЫН ГЕНЕРАЛ цол хүртлээ. 

 

Бригадын генерал Б.АМГАЛАНБААТАР:

 

            -Монгол Улсын Ерөнхийлөгч, Зэвсэгт хүчний Ерөнхий командлагчийн зарлигаар бригадын генерал хэмээх эрхэм хүндтэй цол хүртсэндээ баяртай байна. Зэвсэгт хүчинд зориулсан 33 жилийн минь хөдөлмөр зүтгэлийг үнэлж, цаашид улам их амжилт гаргаарай гэж бэлгэдэж энэ эрхэм цолыг хүртээсэн гэж ойлгож байна. Төр, засаг, Зэвсэгт хүчний бие бүрэлдэхүүн, үе, үеийн удирдлагууд, үеийн найз нөхөддөө баярлаж буйгаа уламжлая. Та бүхэндээ аз жаргал, эрүүл энх, хамгийн сайн сайхан бүхнийг хүсэн ерөөж, баяр наадмын мэндчилгээ дэвшүүлье. Монгол түмэн минь хотол олноороо сайхан наадаарай. 

 

Бригадын генерал Д.ГАНЗОРИГ: 

 

            -Монгол Улсын Ерөнхийлөгч, Зэвсэгт хүчний Ерөнхий командлагчийн зарлигаар Төрийн дээд цэргийн цол хүртсэндээ баяртай байна. Баярлахын сацуу надад ирж байгаа өндөр хариуцлага, цаашид хийж бүтээх олон том ажлын зорилтыг дагуулж ирсэн гэж ойлгож байна. Эх орноо батлан хамгаалах нэр хүндтэй, ариун үүргийг гүйцэтгэж яваа хамт олныхоо ажлын үр дүн, урамшлаар би энэ эрхэм цолыг хүртлээ. Ахиж дэвшсэн бүхий л ажил бидний хамтын бүтээл байдаг гэж би хэлэх дуртай. Зэвсэгт хүчнийхээ бие бүрэлдэхүүнд баярлаж талархаж байгаагаа илэрхийлээд, Үндэсний их баяр наадмын мэндчилгээ дэвшүүлье.

Ахлах дэслэгч Д.МЭНДБАЯР

 

            ЗХЖШ-ын даргын тушаалаар БХЯ-ны ТЗУГ-ын Санхүү, эдийн засгийн хэлтсийн дарга, дэд хурандаа Д.Ганхуяг, БХЯ-ны ХШҮДАГ-ын Хяналт шинжилгээ, үнэлгээний тасгийн дарга, дэд хурандаа Ж.Баясгалан, Нийслэлийн ЧД-ийн ЗДТГ-ын Цэргийн штабын дарга, дэд хурандаа Ж.Даваарагчаа, Ховд аймгийн ЗДТГ-ын Цэргийн штабын дарга, дэд хурандаа А.Эрдэнэчулуун, ЗХЖШ-ын БСТГ-ын орлогч дарга, Бодлогын хэлтсийн дарга, дэд хурандаа Ц.Жавхланбаатар, ЗХЖШ-ын АУГ-ын ЭДАХ-ийн дарга, дэд хурандаа Б.Эрдэнэбат, Зэвсэгт хүчний АДХЦК-ын Хангалт, үйлчилгээний хэлтсийн дарга, дэд хурандаа С.Батхуяг, БХХСАХНЭ-ийн дарга, ерөнхий эмч, дэд хурандаа Б.Элбэгжаргал, Зэвсэгт хүчний 124 дүгээр ангийн захирагч, дэд хурандаа Д.Баасансүрэн нар хурандаа цол хүртлээ.


 

 

            Монгол Улсын Ерөнхийлөгчийн 2015 оны 7 дугаар сарын 6-ны өдрийн 112 дугаар зарлигаар Ардын хувьсгалын 94 жилийн ой, Үндэсний их баяр наадмыг тохиолдуулан эрхэлсэн ажилдаа өндөр амжилт, идэвх зүтгэл гарган ажиллаж байгаа зарим генерал, офицер, ахлагч, ажилтан албан хаагчдыг Монгол Улсын төрийн одон, медалиар шагналаа. Шагналыг УИХ, Засгийн газрын гишүүн, Батлан хамгаалахын сайд Ц.Цолмон, ЗХЖШ-ын дарга, хошууч генерал Д.Даваа, БХЯ-ны Төрийн нарийн бичгийн дарга, хошууч генерал З.Болдбаатар нар энэ сарын 8-ны өдөр гардуулав. Хөдөлмөрийн гавьяаны улаан тугийн одонгоор БХИС-ийн захирал, хошууч генерал Я.Чойжамц, Цэргийн гавьяаны Улаан тугийн одонгоор Зэвсэгт хүчний 123 дугаар ангийн захирагч, хурандаа Ц.Галбадрах, бэлтгэл хурандаа Я.Даваасамбуу, С.Энхтайван нарын, Цэргийн гавьяаны одонгоор БХЯ-ны ТЗУГ-ын Санхүү, эдийн засгийн хэлтсийн дарга, дэд хурандаа Д.Ганхуяг, ЗХЖШ-ын АУГ-ын ИЦХХ-ийн дарга, хурандаа Ц.Батсайхан, ЗХЖШ-ын ЦХҮГ-ын Хүн эмнэлгийн хэлтсийн дарга, дэд хурандаа С.Ганчимэг нарын олон офицер, ахлагч энгэрээ мялаалаа. Мөн Алтан гадас одон, Хөдөлмөрийн хүндэт медалиар цөөнгүй хүнийг шагнаж урамшуулсан юм.

 

Афганистан Улсад явагдаж буй “Шийдвэртэй дэмжлэг” ажиллагаанд оролцон үүргээ амжилттай гүйцэтгээд ирсэн Зэвсэгт хүчний цэргийн багийн I ээлжийн бие бүрэлдэхүүн Монгол Улсын Ерөнхийлөгч, Зэвсэгт хүчний Ерөнхий командлагчийн зарлигаар төрийн одон, медалиар энгэрээ мялаалаа. Шагнал гардуулах ёслолын арга хэмжээнд Батлан хамгаалахын сайд Ц.Цолмон, ЗХЖШ-ын дарга, хошууч генерал Д.Даваа, ЗХЖШ-ын дэд дарга, хошууч генерал Б.Баярмагнай, БХЯ-ны СБТГ-ын дарга, хурандаа Г.Сайханбаяр болон БХЯ, ЗХЖШ-ын зарим удирдлага, энхийг сахиулагчдын ар гэрийн төлөөлөл оролцов. Цэргийн гавьяаны одонгоор дэд хурандаа Д.Батзориг, С.Жаргалсайхан,  Цэргийн хүндэт медалиар ахлах ахлагч Э.Болор-Эрдэнэ, Б.Хуягбаатар нар энгэрээ мялаасан бол цэргийн багийн бусад бүрэлдэхүүн “Энхийн төлөө” медалиар шагнуулсан юм.


 

 

 

Өнгөрсөн сарын 25-ны өдөр Төв аймгийн Эрдэнэ сумын нутаг дахь Агуйт уулнаа Бүх цэргийн Их Хар сүлдийг цэнгүүлэв. Хоёр жил тутамд болдог энэхүү гүн хүндэтгэлтэй арга хэмжээнд Монгол Улсын Ерөнхийлөгч, Зэвсэгт хүчний Ерөнхий командлагч Ц.Элбэгдорж болон УИХ, Засгийн газрын гишүүн, Батлан хамгаалахын сайд Ц.Цолмон, ЗХЖШ-ын дарга, хошууч генерал Д.Даваа нарын төр, цэргийн дээд удирдлага, Батлан хамгаалах салбар, Зэвсэгт хүчний анги, байгууллагын дарга, захирагч нар, ХХЕГ, ЦЕГ, ТЕГ, ОБЕГ зэрэг бусад байгууллагын удирдлага, алба хаагчид оролцсон юм. Агуйт уулын оройд аясын салхи сэвэлзэж, зүүнээс мандсан наран тааламжтайяа ээхүй цаг дор морин цаг ташралдаж, Бүх цэргийн Их Хар сүлдний дөрөв дэх их сүлдэч, ЗХЖШ-ын дэд дарга, хошууч генерал Б.Баярмагнайг ёс жаягаа гүйцэлдүүлэхэд цугласан олон өвдөглөн сүсэглэж, Их сүлдэч Бүх цэргийн Их Хар сүлдийн өчгийг айлдав. Тэртээх Xlll зууны түүх шашдирыг сөхвөөс их эзэн Чингис хаан аян дайнд мордохын өмнө хараа ихт Хар сүлдээ догшруулдаг байжээ. Харин өнөөгийн Бүх цэргийн Их Хар сүлдийг “Монгол түмэнд мөнх тэнгэрээс илгээсэн сүсэглэн бишрэх оройн дээд шүтээн” хэмээн хуульчлан заажээ. Ер нь Догшин Их Хар сүлдийг энх цагт цэнгүүлж, дайны цагт догшруулдаг уламжлал тогтжээ.

Дэлгэрэнгүй...

 
Хаяг
Баннер
Баннер
Баннер
Баннер